Monday, October 20, 2008

पहिली गझल

शांततेला सागराची गाज नाही
रातराणी धुंद झाली आज नाही

कोण रे तो, दंग बैसे गात गाणे?
बासरीला सूर की आवाज नाही?

भोग माझे योग झाले, मात्र आता
संपले ते भोगही हा माज नाही

वागताना बंधने ना पाळली मी
निंदकांची जीभही नाराज नाही

चालले जे पर्वताला हात देण्या
पाय त्यांचे भूषवाया साज नाही?

साजणी का साजणाला भूल पाडे?
धुंद झाल्या यौवनाला लाज नाही?

वृत्त: मंजुघोषा
वृत्त नियम: गालगागा * ३
मात्रा: १२

3 comments:

Tejoo said...

subhanallah!!!!

Innocent Warrior said...

दिवाळीच्या हार्दिक शुभेच्छा.
मला हा ब्लॉग आवडला मी माझ्या ब्लॉग वरील यादीत तुमचा ब्लॉग सामील केला आहे.
धन्यवाद!!!

संदीप चित्रे said...

Thanks Innocent Warrior :)
Could you please send me the link for your blog?