Tuesday, February 26, 2008

‘ तारें..’ पाहिल्यानंतर !

अचानक कुणीतरी सण्णकन कानाखाली वाजवून गेल्यासारखं सुन्नं झालंय! ‘तारें जमीन पर’ पाहून दोन दिवस झाल्यानंतरही !!!

काय पाहिलं, काय आठवतंय, सांगायचं तरी काय काय आणि दाद तरी कशा कशाला द्यायची?

‘तारें…’ची कथा लिहिणाऱ्या अमोल गुप्तेला की त्याच्यातल्या समाजसेवकाला….
निर्माता / दिग्दर्शक आमीर खानला की ‘राम शंकर निकुंभ’ला….
‘मैं कभी बतलाता नहीं, पर अंधेरेसे डरता हूं मैं मॉं…..तुझे सब हैं पता, हैं ना मॉं’ लिहिणाऱ्या प्रसून जोशीला….
त्या ओळींचा अर्थ आपल्या आतपर्यंत पोचेल असं संगीत देणाऱ्या शंकर – एहसान – लॉय ह्या त्रिकुटाला…
आपल्याला सिनेमातलेच एक पात्र बनवतील अशा कॅमेऱाच्या अँगल्सना…
कपडे, रंग, hair style सगळ्यातून perfect वातावरण उभं करण्याला…
तिच्या चेहऱ्यावरची, पिल्लासाठीची, घालमेल आपल्या मनात उतरवणाऱ्या टिस्का चोप्राला…
आणि तो बोलक्या डोळ्यांचा टिल्लू दर्शिल सफारी? फिल्मफेअरवाले काहीही म्हणोत, आपण तर दर्शिल सफारीला ह्या वर्षीचा best actor मानलं !

‘तारें ..’ पाहिल्यानंतर ट्युलिपला तिच्या ब्लॉगवर लिहायला सुचेनासं का झालं ते स्वत: सिनेमा पाहिल्यावर लगेच समजलं ! अजून पाहिला नसेल तर लगेच ‘तारे जमीन पर’ पहा !!! हा ब्लॉग पुरेसा नसेल तर एक मिनिट हा सीन पहा. एखादी कलाकृती अशी असते की तिच्याबद्दल फार बोलण्यात वेळ घालवू नये ! कधी कधी शांततेवर शब्दांचे ओरखडे काढू नयेत !!!

मनात हुरहूर साठलीय … कडकडून टाळ्या वाजण्याआधी एक स्तब्ध शांतता असते ना तशी !

5 comments:

यशोधरा said...

खूप मनापासून उतरलाय लेख, आवडला. सिनेमा तर अप्रतिमच आहे, वादच नाही.

Anonymous said...

Sandeep, khoopch chaan liheela aahes.

Tejoo Kiran said...

Thanks for the blog on Tare. I was following entire production of Tare on Aamir's blog. I actually chatted with him, it was amazing. You should read his blog. the guy is brilliant. In one blog he talks about how they recorded songs in Panchgani in old fashioned way and S-I-L thought Aamir was crazy. Read it. He replies to all his readers. And about the movie, that's the first movie we watched in America with advanced booking, first day, first show. It's beautiful ... and so is your review. thanks again. http://www.aamirkhan.com/
Tejoo.

Amol said...

paahilaa naahee ajoon Tare, paN jabaree disatoy

संदीप चित्रे said...

यशोधरा, राजेश्री, तेजू, अमोल - लगेच प्रतिक्रियेसाठी धन्स :D
तेजू – आमीर खानच्या ब्लॉगसाठी स्पेशल धन्स :D
अमोल – सिनेमा लगेच पाहून टाक !