जरासे जरासे

गुपित राहिले ना इशारे जरासे

कशाला हवे मग अडोसे जरासे?.... १

तयांच्या तशा त्याच गप्पांमधूनी

मनाने कसे ह्या रिझावे जरासे?

मला भेटताना लपूनी-छपूनी

तुझे नेहमीचे बहाणे जरासे.... ३

असा स्पर्श व्हावा तुझा वाटते की

तुलाही मिळावे दिलासे जरासे.... ४

असो पावसाळे वयाचे कितीही

धनुष्यात रंगच दिसावे जरासे.... ५

'इथे' सर्व काही मिळाले तरीही

मिळावे 'तिथे'ही जरासे जरासे.... ६

------------------------------------------------------

वृत्त  -- भुजंगप्रयात

लगावली -- लगागा  लगागा लगागा  लगागा

------------------------------------------------------