बासरीला सूर यावा लागतो
फुंक नाही श्वास द्यावा लागतो … 1
कैक दिव्ये पार पाडो देवकी
पण युगंधर वाचवावा लागतो …. 2
गायकाचा रंगण्याला मारवा
रिषभ कोमल आत व्हावा लागतो …. 3
झाड होण्या बीजही सैलावते
ऊन, पाणी, वेळ खावा लागतो …. 4
ऐनवेळी ते विकाया लागते
भाव स्वप्नाचा मिळावा लागतो …. 5
पंख नुसते काय कामाचे, खगा?
ध्यास गगनाचा असावा लागतो …. 6
कर्मकांडे लाख केली, विठ्ठला!
मुक्त होण्या जीव जावा लागतो …. 7
फुंक नाही श्वास द्यावा लागतो … 1
कैक दिव्ये पार पाडो देवकी
पण युगंधर वाचवावा लागतो …. 2
गायकाचा रंगण्याला मारवा
रिषभ कोमल आत व्हावा लागतो …. 3
झाड होण्या बीजही सैलावते
ऊन, पाणी, वेळ खावा लागतो …. 4
ऐनवेळी ते विकाया लागते
भाव स्वप्नाचा मिळावा लागतो …. 5
पंख नुसते काय कामाचे, खगा?
ध्यास गगनाचा असावा लागतो …. 6
कर्मकांडे लाख केली, विठ्ठला!
मुक्त होण्या जीव जावा लागतो …. 7
